Orbiconimi sulineq

Orbiconimi suliassat avatagiisinut, silap pissusaanut, sanaartornermut ataqatigiinnermullu aaqqissuussinertigut kalaallit nunaa tamakkerlugu suleqataaffigissavatit. 
Nuummi talittarfiliornerniit Qaanaami inissianik sanaartornernut.

Ingeniørit piginnaasaqarfigisatta ataanni suliaqartippagut, ujarassiuunik titartaasartunik allanillu piginnaasanik pisariaqartitsivugut, ataavartumik suliffeqartitsinikkut, suliassanillu aaliangersimasunik suliaqarnerup nalaani. 
Suleqatigiinnermi toqqaannartuunissaq inussiarnersuunissarlu pingaartipparput, sulisullu qiimasut naammagisimaarinnittullu sulisoritillugit  suliassat pitsaanerpaamik naammassineqarsinnaasut upperaarput. 
Orbicon Arctic-imi maannakkorpiaq sulisussaaleqinngilagut, namminerli kajumissuseq malillugu qinnuteqaammik nassiussisinnaavutit (qinnuteqaateqarnissamut immersugassaq danskisut allaqqavoq). 

Nammineq kajumissutsimik tunngaveqartumik qinnuteqaasiaq

Nammineq kajumissutsimik tunngavilimmik qinnuteqaasiamik CV-millu nassiussisinnaavutit. Orbicon Arctic ineriartortuarpoq, atorfimmillu takkuttoqarataannaavoq piginnaasarnik pisariaqartitsiffiusumi. 
Sulisugut amerlanerit ingeniøriupput assigusunilluunniit ilinniagallit sulisorivagut. Ilinniagarli qitiutinnagu inuttulli qanoq ittuunerit suliarisinnaasatillu pingaartinneruagut. Tusarfiginissat qilanaaraarput.

Suliffissat suuneri quppersakkatta qallunaatuuani takukkit, uani takuneqarsinnaapput https://www.orbicon.dk/jobs.

Ilinniarnermut atatillugu suliffimmiinneq

Suleqatigalutit aaqqissuussissaagut ilinniarnermut atatillugu suliffimmiinnerni, ilinniartuunerullu nalaani kissaatitit uagullu pisariaqartitatsinnik nalimmassarlugit. Atorfissaqartitat malillugit qaammatit 1-6 akornanni ilinniarnermut atatillugu suliffimmiittoqarsinnaavoq. Naatsorsuutigaarput bacheloritut naammassilersutit imaluunniit kandidatitut aallarteqqammisutit, taamatuttaaq naatsorsuutigaarput soraarummeernermi karakteerini angusarissaarluartutit. Neqeroorutigivarput qaffasissumut suliassat pikkunaatillit inuttullu siunnersuineq ammaffigaarput – immaqalu Orbiconimi atorfimmut ingerlariaqqinnissamut aqutissaqalerneq.

Ilinniarnermut atatillugu suliffimmiinnermi misigisaq

Julie ilinniarnerminut atatillugu Orbicon Arcticimiinnermini qanoq issimanersoq uani atuarsinnaavat.